Ik mutt noch even gau en bietje wat van’t Paaskwekenenn vertellen. Was al nix Besünners. Paaskefüür was heel wat anners as verleden Jahr, denn do harren wi ja Nood, dat Füür togang to brengen. Man nu was dat all so mooi dröög, dat dat Füür bold daan was, ehrdat Hilko torügg kwam van’t Beer halen.

De hele Saterdagavend harr en bietje wat van Süüdoostasien-Klima. So mit Smog un so. Van d‘ Fernte sach dat al heel moi ut, as wenn d’r de Dook over de Felders lagg. Man würkelk was dat de Smökeree van de Füren. As ik snachts na Huus fahren bün, daar harren all de anners Kaaren, wat mi tegen kwammen, geel Lüchten. De wurren eerst witt, as de denn dichter bi kwammen. Dat hett seker en paar Minuspunkten up de Fienstoff-List geven.

Stillfreedag was ik up’n Buursdag in Ollenbörg. Daar wurr uns over verklaart, dat dat en Mannlüü-Avend wesen sull. Was denn ok so. Man wi harren al hoopt, dat de Huusheer dat blot so sää, daarmit elkeen sien Ollske tohuus lett un dat he denn al wat Wichter organiseert harr. Man was nich so. Man dat hett en van de Maten neet offhollen, elk paar Minüten sien Klöten uttopacken. Dat was neet moi, nee nee.

Schreibe einen Kommentar

Deine E-Mail-Adresse wird nicht veröffentlicht.

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.